畫家心聲：香港周圍都有創作題材

偶遇學藝社成員黃Sir黃偉鵬，得知學藝社即將再辦畫展，黛安問起詳情，黃Sir話，今次「2016香港學藝社社員作品展」踏入31周年，想「隆重少少」，所以特別選址香港中央圖書館地下4、5號展館，展出社員過百幅中、西式畫。

黃Sir仲話自己都有兩幅作品參展，圖中呢幅以水彩畫成嘅作品名為《春色》，係佢帶親友遊覽寶蓮寺時發現的景色，「當時覺得好靚，即刻記低美景，返去再創作」，又說：「只要用心留意，其實香港周圍都有創作題材、美好風景。」

原來除咗水彩作品，黃Sir同一景色，早已用油畫方式畫出，想睇埋油畫作品，今個周末就要去中央圖書館行個圈。