The ONE幫布甸狗 搞生日Party

「The ONE‧POMPOMPURIN 20周年夢工場」開咗啦！大家有無趁住假期去瘋狂影相？如果未去就要留意，黛安幫你數下必影景點。例如UG2中庭嘅大型主題裝置，咁多個搞鬼影相位，好似4米高巨型布甸狗夢想製造機。今次布甸狗仲變身6個造型，每一款都肯定冧爆粉絲，黛安聽講，呢6款造型好似「布甸狗博士」等，都係第一次現身夢工場。

另外，露天廣場巨型布甸版生日蛋糕裝置，都肯定係打卡位，戴住20周年皇冠生日帽嘅布甸狗可愛指數爆燈，睇見就覺得開心。影完相唔夠喉，粉絲一定要去L2嘅期間限定店，好多款布甸狗精品，盡情將心愛布甸狗帶返屋企啦。

黛安仲聽講，唔只有得影相同shopping，大家喺商場用電子貨幣消費滿指定金額，仲可以免費換領限定禮品，例如「POMPOMPURIN 20周年夢幻咖啡杯」。