屈臣氏獨家品牌 Sally Hansen加推新色甲油

大部分女士都愛美，但都市人生活繁忙，有時都聽到姊妹話無時間扮靚，連指甲都唔得閒去整呀！黛安都好同意，指甲整靚啲，心情都靚啲。公關姊妹介紹過，屈臣氏獨家代理嘅甲油品牌Sally Hansen，特別在唔使照燈，加層top coat都有閃令令效果。

最近收到新消息，品牌Miracle Gel系列又推出七種新顏色，姊妹話，今次新色調加入Catwalk天橋元素，感覺夠晒潮，仲特別強調，當中有一隻「夢幻閃片藍色」閃片效果，值得留意咁話。除咗顏色，原來品牌王牌產品之一嘅Top Coat都有加強版�𠻹，聽講2.0版本光澤同豐盈會加倍，兩層顏色甲油加一層Coat，再自然風乾就搞掂。