Hologram短片 預告adidas新店開幕

收到adidas寄來的迷你版「鞋盒」，打開之前大家都話要估下先，「彈個氣球出嚟？迷你波鞋？」打開有個金字塔模型，睇真啲原來係Hologram模型，近排興起Hologram短片，唔少網民都迷上自製Hologram播放模型。平時自家製，要將用四塊梯形膠片，今次adidas呢個就係金字塔，就有人問「睇唔睇到先？」

即刻scan個QR code就知啦！將電話放係模型上面就睇到宣傳片，原來adidass第六個超級品牌中心（adidas Brand Centre）下星期三（3月30日）正式開幕啦！公關姊妹話，開幕時名人明星到賀，肯定係星光熠熠，叫黛安一定要join佢哋個party！聽講，品牌中心樓高共四層，總面積達16,241平方呎，主攻中高檔市場，定期仲會有限量產品出售。