MOKO新世紀號召全民投票 揀心水電影男神女神

專業影評人先寫影評？計黛安話，用心寫總有人睇到，仲有人請你食爆谷�𠻹！黛安講緊，MOKO新世紀廣場第二年舉辦全民投選電影金影獎，4月2日之前可以上網（http://goo.gl/gP8tdZ）投票，揀你心水影帝同影后，今年仲新增男神女神組別�𠻹。投票之後分享感受，寫低你揀最佳電影男或女主角原因，每階段大會仲會選出40位最佳影評人，獎品有首映門票或電影禮券兩張！唔好以為好易揀，望下個候選名單，就明白「評判唔易做」，男主角名單有劉德華、張家輝、梁家輝、張學友同郭富城，睇嚟都要掙扎一番。

未諗到投邊個，不如聽首歌先？公關姊妹話，商場請咗喺電影配樂比賽多次獲獎嘅「健力士極速神手鋼琴家」Peter Bence嚟香港表演。Peter曾經創下1分鐘觸動765次琴鍵紀錄，今個月25至28號，佢會表演不同電影樂章，《星球大戰：原力覺醒》、《魔雪奇緣》Let it go等。