金投賞評判之一 P&G許有杰講數碼推廣

收到香港廣告客戶協會（HK2A）同中國ROI金投賞合辦「第三屆商業創意峰會」（3rd ROI Festival HK Forum）邀請，黛安好期待呢場盛事，記得前兩年開始舉辦，HK2A主席何偉榮（Raymond）已經話，論壇係金投賞前奏，業界有更多交流機會，今次一收到就打畀佢。Raymond話，論壇講者個個都好有分量，例如對內地數碼推廣好熟悉嘅P&G大中華區傳播與公關部副總裁許有杰（Rene）。Raymond話，marketers愈嚟愈重視數碼媒體宣傳同電子商務，睇得出係大趨勢，又話：「Rene做過金投賞評判，亦參與過好多得獎campaign，大家可以聽到好多得獎項目嘅特別之處。」想學好媒體推廣有咩蹺，一定唔可以錯過，活動4月11日喺北角青協舉行，會員費用350元，非會員480元，查詢詳情可電郵info@hk2a.com。