林奕華：人人都是福爾摩斯

睇過舞台劇導演林奕華（Edward）的作品嘅你，唔知會否有同感，睇表演途中，腦袋不能放鬆，唔係會唔明；到睇完嗰一刻，會想話「原來係咁」。黛安講緊Edward最新作品「生命三部曲」，第一部曲《梁祝的繼承者們》前年上演，哄動一時，第二部曲《心之偵探》上星期六開騷，大家又期待係點嘅故事？

黛安問過Edward「點解係福爾摩斯同華生」，佢話「自細就鍾意福爾摩斯嘅故事，對於我而言，同梁祝一樣，福爾摩斯同華生都係一對特別嘅lover；不是世俗說的愛，而是一種情意結」。呢個情意結只係靈感開始，演出中查嘅案並唔係普通嘅案，因為「要查原著入面嘅案，大家睇書睇咗。」

短短數百字，未必能解釋林奕華整個演出想帶出嘅訊息，劇透了亦沒有意思。黛安認為，查案只是引子，林奕華要做到的是，觀眾能夠同自己對話。好似平時我哋問自己：「人點解怕死、甚麼是幸福、甚麼是快樂」，答案可能是身份、財富、地位。林奕華就話，其實每個人都可以係福爾摩斯，「演出每一個片段都留有懸念，希望觀眾看完可以將每個片段串連在一起，找到一個圓滿一點的答案。