吉野家出飛行棋 食材變棋子

最近吉野家舉動多多，先後在多間新分店推出任食火鍋，以及引入日本吉野家都有賣嘅鰻魚飯，最近亦喺禮品方面着墨，出咗一副「吉野家飛行棋」。玩法同一般飛行棋無異，最特別之處係將四色飛機棋子，換成吉野家四款主打食材：豬、牛、雞及飯。

據吉野家嘅姊妹講，出呢副棋嘅原因，係為咗慶祝吉野家25歲生日。想將副棋帶返屋企？即日起喺吉野家消費滿指定金額（早餐或下午茶餐滿40蚊、午市或晚市滿70蚊），就可以加15換購㗎啦！