May姐出完卷蛋 再秘製甘筍蛋糕

作為甜品控嘅黛安不時幫襯May姐（馮美基）餅店買甜食，斑蘭蛋糕係我心頭好，除有濃濃斑蘭香，忌廉內更有粒粒椰肉，超有咬口！不過May姐出嘅蛋糕全都大大個，一個人梗係食唔晒。最近餅店推出單件卷蛋size蛋糕，希望進一步打入OL市場，大家可以貪心啲、一次買幾款味道來試。

黛安又在其助手口中八卦到，May姐將以家傳秘方推出甘筍蛋糕。據透露，秘訣係加入菠蘿，保持蛋糕濕潤口感。此外下個月仲會推出限定夏威仁果仁白朱古力曲奇，方便大家買來慶祝3月14日白色情人節喎！