年初二煙花 「齊天大聖」祝你猴運當頭！

猴年將至，齊天大聖孫悟空都放煙花！黛安收到風，今年煙花第一次出現「猴子臉」圖案，希望帶出「猴運當頭」、「猴年行大運」嘅吉祥寓意，呢幕煙花會用埋電視劇《齊天大聖孫悟空》主題曲「高高在下」做配樂𠻹！究竟「孫悟空」個樣難唔難整？港星多媒體製作CEO毛偉誠就話，猴子臉筆劃比較多，繪圖設計都幾有難度，團隊都花咗兩三個月設計。

垂柳式煙花喻愛情

黛安又聽講，年初二晚維港兩岸上演嘅煙花，一共有八幕，除咗「馬騮精」之外，另一個亮點係，用情人節同元宵佳節做主題嘅「星夢童話」。呢幕煙花有蝴蝶、蜻蜓圖案，仲有象徵守護愛情的「愛情樹」——垂柳式煙花。毛偉誠特別提到，蜻蜓圖案係新設計，有望觀眾欣賞時感覺有驚喜。

而廠商會今年撥出800多萬贊助匯演及晚宴，會長李秀恒話，今年會邀請1,000名基層家庭、新移民和少數族裔等參與晚宴，佢仲更預告有高官「粉墨登場」表演。