20萬粒LEGO 砌全球最大「千歲鷹」

砌積木不但可發揮創意，仲可以揚威國際！樂高（LEGO）早前就請咗澳洲及香港3位大師級人馬帶領成千個小朋友，以星球大戰裏面的飛船「千歲鷹」為藍本，昨日成功用20萬粒LEGO砌出全球最大隻千歲鷹號，直徑長過一個大人瞓低！要破世界紀錄，所花的工夫當然唔少啦，足足用咗3日、共19個小時完成，想見識下就要去海港城睇啦，展期到下月13日。

星戰迷仲可留意今個星期五（30日）海港城率先呈現最新星戰電影奧秘，睇下由土生土長的樂高大師Jared用LEGO砌出、過去電影系列裏面的經典場景！