「宇宙最強」甄子丹 廣州探貧童好心酸

見到巨星甄子丹，大家都諗起佢「宇宙最強」，其實佢都有暖男一面，行善不遺餘力！所以當「千億新抱」、香港救助兒童會贊助人徐子淇找他做該會的首位大使時，他義不容辭一口答應！更親身到廣州探訪外省遷入的流動兒童，教他們衞生知識，表現出鐵漢柔情。

這趟廣州行，子丹最記得係探訪小梅一家五口，佢哋蝸居喺工廠旁一間用幾塊木板間出來的屋仔，十歲的小梅鍾情水墨畫，平時用殘舊不堪的畫具，習慣喺工廠嘈雜聲下作畫。子丹話為人父母見到小梅處境覺得好心翳，又話小朋友的赤子之心需要鼓勵，臨別時佢仲攬住小梅話：「將來你一定會是一個大畫家！」