零碳天地設計市集 本土海外潮物兼備

黛安周末都鍾意行下市集，最近聽講專賣設計師自家產品的網購網站Pinkoi，會喺香港舉辦市集，梗係即刻搵Pinkoi嘅公關姊妹八下啦！原來呢個「Pinkoi香港好物市集」下個月8至9日喺九龍灣MegaBox旁的零碳天地舉行，到時會有85個攤位，一半來自海外，包括台灣、日本、馬來西亞、新加坡等，例如潮人必食嘅台灣「海邊走走」手工蛋卷；另一半就係本地設計師嘅攤檔，包括香港美食造型嘅「Becandle」蠟燭。

記得舊年Pinkoi首次喺香港搞市集，吸引逾5,000人次入場，要排隊兩個鐘先入到去！今年特別推出「線上市集」，10月7至11號喺Pinkoi香港好物市集專區，仲可免運費買盡8地精選設計！