csl.林國誠好有計 請猛人教品味生活

在講求服務第一的年代，手機上台點止簽張contract咁簡單，售後服務一樣好重要。CSL Mobile市場營銷總裁林國誠（Bruce）就好有計仔，為客戶提供一流上網體驗唔再講，今年初開始，更針對旗下1010客戶，舉辦各式各樣嘅Enlightenment活動，提升客人嘅品味。

之前黛安就應Bruce之邀，參加Dom Pérignon香檳的wine tasting，仲見到《晴報》社長麥華章。聽麥社長講至知，原來Dom Pérignon好巴閉，有「香檳之父」的美名，是日大家在品牌代表Etienne Hervet介紹下，試飲Dom Pérignon Vintage 2006，飲靚酒之餘仲可長知識，正！

聽公關姐妹講，此前1010仲為客戶搞過威士忌鑑賞，又同《歌聲魅影》、《星球大戰》等世界級夥伴合作搞活動，搞咗超過15場，且做得有聲有色，每個活動都找來星級人馬、世界級珍品撑場，客戶都有讚無彈。之前一票難求的Madonna香港演唱會，1010客戶仲可獨家優先預定！聽講嚟緊會有日本清酒品賞活動，介紹清酒文化同釀造過程，聽到已經非常期待，呢啲機會係1010客戶至有。