送禮畀圈中姊妹 啟發王君馨創業

憑電視劇《城寨英雄》中花曼一角人氣急升嘅王君馨（Grace），唔演技令人眼前一亮今年佢仲有好多嘗試，好似之前提過，佢同本地手製飾物「Dearbell」合作嘅首飾品牌「DearestGrace」，其實背後都有段故。

香薰精油融入首飾

Grace話年初時剛完成《城寨英雄》就病到失聲，一度入醫院，食咗成個月抗生素，當時強烈感受到人生好多嘢未必控制到，所以問自己「有咩好想做而未完成嘅事」。心大心細完之後，諗起自己大學讀企管，一於下決心實行，設計出將滴上香薰精油嘅棉花球放入鏤空吊墜嘅首飾。

除咗散發香氣，DearestGrace特別之處，係每個系列都有一個特別名字，原來起初Grace想送禮物畀一班圈中好姊妹，踱踱下蹺，畀佢靈機一觸，諗到用唔同飾物代表大家。佢話：「我哋個個性格都好鮮明，所以諗到Princess代表香香（岑麗香、苟姑娘（苟芸慧）就係Queen等等。」

「女朋友喺你心目中係女神就揀Goddess、媽媽係你嘅天使就揀Angel，總之每一個生命中重要嘅人都會搵到相應嘅飾物。」每個collection都勝在有意思、夠特別，唔怪得Grace開業投資6位數字，第一個月已經回本兼有錢賺！