青年廣場藝術節 住特色主題房

一向着重青年藝術同文化嘅青年廣場又有新搞作，由今日起至11日將舉行「Garden of the Artisans」藝術節，來自本地同海外嘅青年藝術家將殺入Y旅舍，利用房內空間策劃富有文化氣息嘅特別展覽。黛安最鍾意馬來西亞古燕妮嘅《Listen to your song》，作品啟發自埃及象形文字嘅繪畫，色彩斑斕，充滿想像力。古燕妮同其他海外藝術家嘅作品會係「環球藝聚」展區可以欣賞到。藝術當然要融入埋旅舍房入面啦，8位本地藝術家就設計咗趣味主題房，包括七、八十年代舊式茶餐廳、貓星人襲地球、長頸鹿先生等，主題房每間都各具特色，如果可以喺入面住就好喇！