東張西望丨容羨媛產後血經流量驚人影響工作 一度被誤診 後揭大量瘜肉做手術切除

《東張西望》女主持容羨媛主力採訪娛樂新聞，不過過往訪問藝員時頻頻失言，因而被觀眾認識並留下深刻印象。近日，容羨媛拍攝YouTube片段，將自己的私密女性健康問題大公開，希望藉此提醒姊妹們好好照顧身體。

同場加映：反黑英雄丨袁偉豪認大叔拍劇辛苦摧殘狀態 感激囝囝來臨心情開懷：豁然好多

{{hket:ul-video id="10953"}}{{/hket:ul-video}}

{{hket:inline-image name="IMG_4580.jpeg"}}{{/hket:inline-image}}

容羨媛在家中的床邊自拍片，公開自己剛剛完成一個婦科的小手術，手術相當順利，只是全身麻醉，幾個小時就完成，即晚可以出院。她才娓娓道出，發現身體出現問題都經過不少波折。

現年40歲的容羨媛2012年與圈外人Ben結婚，三年抱兩誕下一女一子，湊成一個「好」字。容羨媛產後的問題就開始浮現，她透露：「當我生完小朋友，月經一直都係比較多，多嘅程度係點呢？就係一嚟嘅時候，大概一個鐘頭內，成塊衛生巾就已經爆滿，甚至會出現比較尷尬嘅情況，就係漏M。你知道我經常都要出外景，仲要見藝人同拍攝，好多時候喺一個鐘頭內係換唔切M巾嘅，為避免尷尬嘅情況，我係用棉條再加M巾，我先可以確保我出街嘅時候唔會漏M。」她一直信靠為她接生的婦科醫生，醫生指這是產後子宮血管變異的正常情況，後來她向容羨媛開出一種Transamin的止血藥，雖然控制到流量，但後來出經血有血塊的情況，醫生仍然稱屬正常。

{{hket:inline-image name="IMG_3584.png"}}{{/hket:inline-image}}

{{hket:inline-image name="IMG_3585.png"}}{{/hket:inline-image}}

{{hket:inline-image name="IMG_3586.png"}}{{/hket:inline-image}}

後來，容羨媛仍然大感不安，於是跟女性朋友分享，朋友建議下多諮詢一名醫生。新婦科醫生聽診時已感不妥，即時為她做超聲波檢查，驚揭她的子宮內膜出現好多肉粒，肉眼看就已經有三粒，實際數目不知道，於是須接受手術切除，「醫生話我裡面有十幾粒呢啲瘜肉，可能係瘜肉，可能係增生，全部幫我清走晒，再拎去化驗，好彩好感恩，十幾粒都係良性瘜肉。醫生話你唔會知道，放喺入面，隨時會有變化，何必要冒險，整走係一件好簡單嘅事。」

容羨媛稱手術後，月經回復正常，亦沒有血塊的情況出現。她表示：「好感恩搵到原因，我條YouTube片唔係想控訴我之前個婦科醫生，而係真係想同咁多位姊妹們講，以為怕醜唔敢同人講嘅事，一定要諮詢專業意見。各位姊妹、媽媽、女士，如果對自己身體，尤其係婦科病有任何疑問，唔好遲疑，真係搵個醫生檢查一下！」

{{hket:inline-image name="IMG_4579.jpeg"}}{{/hket:inline-image}}

容羨媛先後畢業於香港理工大學建築經濟及管理學學士，及香港浸會大學傳理系碩士，大學期間有參與DJ的工作，後來加入香港電台做DJ，2008年加入TVB成為無綫娛樂新聞台主持，直至2012年加入《東張西望》成為主持。


撰文：娛樂組