東張西望｜自私男棄養海龜放辦公室門外 郭秀雲斥非法飼養：咁樣係好自私

人類自私的行為，真係天天新款。現時為保育海洋生物人員的郭秀雲 ，於日前突然收到「驚喜禮物」，有神秘男子把7歲大飼養海龜，遺棄放在她的辦公室門外，一夜間突然成為「臨時代母」。
 

{{hket:inline-image name="18.png"}}{{/hket:inline-image}}

{{hket:inline-image name="20.png"}}{{/hket:inline-image}}

郭秀雲現時為國際自然保護聯盟區域評估員，她接受《東張西望》的梁菁琳訪問，透露於本月24日晚上若10時許，有兩名男子鬼崇地把一個用黑色膠袋裝著的黑箱，和一大袋物件，放在她的辦公室門外後離開。

{{hket:inline-image name="6.png"}}{{/hket:inline-image}}

{{hket:inline-image name="7.png"}}{{/hket:inline-image}}

由同事發現箱內是海龜，郭秀雲表示驚訝：「估唔到有咁神奇嘅嘢發生，大箱之外，仲有一叠資料，有海龜的BB相，以及字條，基本上佢話喺網上買咗隻海龜。養咗七年，幫佢改咗個名叫太郎，而家太郎太大隻 ，佢哋覺得唔可以畀到好嘅空間海龜繼續生存落去，同埋覺得將海龜放去大海，佢唔識搵食，於是搵我哋。」

{{hket:inline-image name="17.png"}}{{/hket:inline-image}}

郭秀雲指對方沒有自我介紹，突然消失，明顯是知道飼養海龜，在香港是非法的，現時仍未有妥善方法處理太郎：「海龜係一級受保養動物，唔可以就咁拎嚟養，一隻人工養咗7年嘅海龜，唔敢肯定乜嘢環境下長大，但肯定香港一般屋企，就算你有泳池，唔會大得去邊，但呢啲係可以遷徙嘅動物，咁嘅環境長大嘅海龜係咪可以放去大海呢？每一個專家都話千祈唔好，因為佢唔會識得搵食。」

{{hket:inline-image name="15.png"}}{{/hket:inline-image}}

{{hket:inline-image name="13.png"}}{{/hket:inline-image}}

郭秀雲表示從信件內容，可以知道主人很愛錫太郎，但再次呼籲這位神秘主人，從事件中學習到，不可以再買瀕危動物來飼養：「有啲真係唔適宜人養，呢個係屬於全球動物，你收埋佢嚟養，會唔會一生提供到所需要嘅嘢，令動物繼續繁殖落去？咁樣會變咗係好自私。」

海龜由義工悉心照顧，隨後交由漁護署處現，太郎暫時居住在海洋公園，等候最適合的安排，希望太郎可以有好結果。