東張西望丨40歲智障女疑沉船靚仔上司被呃錢 發假誓提取強積金遭要求離境

《東張西望》近日除了何伯及新何太事件全城哄動，還有不少個案值得關注。昨晚（16日）《東張》收到「黃先生」投訴，對方指其40歲智障妹妹「阿珊（化名）」在快餐店工作，妹妹疑被靚仔上司利用感情騙財，妹妹不但欠下一身債，連強積金都被騙去！

同場加映：母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？

{{hket:ul-video id="10637"}}{{/hket:ul-video}}

黃先生表示，其妹阿珊是智障人士，多年來在快餐店從事低收入工作，去年9月一名年約30歲、外表斯文靚仔的經理加盟，妹妹疑被對方欺騙，將積蓄全借給對方。從阿珊的錄音對話中，明顯極冧靚仔經理：「我鍾意佢嗰種囉，鍾意佢後生又靚仔。」黃先生說：「佢（靚仔經理）話佢媽咪入醫院，要醫藥費，所以好需要錢，睇下我妹妹可唔可以借畀佢。」妹妹起初只借100、200元，後來借2000、3000元，「基本上陸陸續續將啲錢借晒畀佢。」後來，阿珊家人更收到財務公司追債信，黃先生指阿珊是智障人士，不會懂得去財仔借錢，質疑經理呃錢呃感情，教唆妹妹去借錢：「佢（阿珊）財仔借咗1萬蚊，但係還19000蚊一年期。」

{{hket:inline-image name="dd96d00f-7949-47d2-98e6-b2d61146071b.jpeg"}}{{/hket:inline-image}}

{{hket:inline-image name="920ad9f2-97aa-4307-b45b-cbfbbf67302a.jpeg"}}{{/hket:inline-image}}

黃先生指經理本身已有一名談婚論嫁的女友，所以黃先生親自跟經理對質，經理遵守承諾還清2萬元，以及不再聯絡阿珊，誰知一個月後對方又找阿珊。黃先生說：「佢（經理）被人炒咗，失業無收入，又開始聯繫我個妹，最離譜係又教佢借錢，唔止呢間，又借第二間、第三間。」因阿珊月入不足1萬元，所以借了幾間財仔，合共借了4萬元。從阿珊和靚仔經理的訊息紀錄所見，大多數只是阿珊單機狂send訊息，但當講到錢，經理才會有反應兼秒回：「你拿2,000給我，我去翻倍，明天給你3000或者4000⋯」、「做我的女人，從來沒有不聽我話的。」經理又熱情教阿珊帶齊文件到財務公司借錢。

{{hket:inline-image name="1799e8ae-929f-46ee-8757-921c4a0bba0a.jpeg"}}{{/hket:inline-image}}

從一段錄音中，阿珊親口承認靚仔經理曾陪她去財仔借錢：「佢係問我借錢，我畀得幾多就幾多囉，都有幾萬，係我自己辦，係我自己攞。」阿珊仍不知受騙，沉醉於經理的甜言蜜語：「佢有親口同我講，我係佢背後嘅女人，佢會帶我去見佢阿媽，佢講過會帶我去佢屋企，佢話佢冇呃我，佢唔會呃我，我見唔到佢，我心情好似爭啲乜嘢咁囉。」黃先生表示自己幫阿珊買入的股票，阿珊都去銀行沽出：「大約有4萬蚊，又將2萬幾交咗畀嗰個男仔。」但阿珊對經理依然信到十足十：「佢話下個月會還 5千蚊畀我。」她唯一對經理的懷疑竟是：「佢之前話陪我行街但冇做到，我睇中一條裙，佢話會買畀我，佢應承我嘅諾言都冇做到。」

及後，阿珊家人收到入境處通知，要求阿珊離境，原來靚仔經理連阿珊的強積金都打主意，疑似教阿珊以不在港居住為由宣誓並提出強積金，而在二人短訊中，也可見他曾誘導阿珊提取強積金。黃先生在主持吳幸美陪同下，致電經理對質，經理連番否認教阿珊提取強積金，問他為何經阿珊問財仔借錢？他說：「我借唔到呀！因為我破過產。」又揚言五月開始會還錢給阿珊。

{{hket:inline-image name="4163f1aa-fbd6-4041-8880-3399d97a794f.jpeg"}}{{/hket:inline-image}}

至於答應不聯絡阿珊又食言，靚仔經理理直氣壯說：「我哋聯絡又唔係話講感情嘢！（但講佢係你背後嘅女人？）唔係，咁佢咁幫我吖嘛，咁佢肯幫我，我真係欣賞佢喎。」經理指二人「暫時係朋友」，黃先生問他會否願意跟智障人士交往：「你會唔會覺得呃個智障女好無恥呢？」靚仔經理表示：「我唔會呃佢，我呃佢就唔會咁面對件事啦！」大律師指是否屬於欺詐，視乎有否以藉口或給予假象給受害人而達到借錢目的，以及是否事前得悉受害人是智 障人士；如法官知悉被告有意圖詐騙智障人士，一但罪成會罪加一等。

圖片來源：電視截圖