東張西望丨梁敏巧預告今晚菜販爆料仲好睇 訪問何伯新何太以四字總結感受

《東張西望》延續何伯真愛的故事餘溫，再次安排何伯及新何太做訪問，炒熱話題，昨晚播出第一集已經再次引起極大的迴響，大家對新何太大曬龍鳳鈪再次議論紛紛。今次負責出動訪問何伯和新何太的女主持梁敏巧在IG預告：「今晚更好看，敬請收睇！」令網友非常期待。

同場加映：母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？

{{hket:ul-video id="10637"}}{{/hket:ul-video}}

{{hket:inline-image name="ho4.jpg"}}{{/hket:inline-image}}

《東張西望》梁敏巧取代魏柏豪，再次訪問何伯及新何太，不少觀眾都非常期待節目的播出，連人妻陳詩欣都忍不住「跟風」趕回家收睇《東張西望》，認真搞笑。昨晚首集出街之後，梁敏巧都有在IG轉發不少的截圖和相關影片，其中有網友將她訪問照片P圖，直接P走新何太，令何伯伸手摸住梁敏巧的大髀，非常搞笑，梁敏巧冇嬲反而大讚「P得唔錯」，而「東張+」更竟然自抽，暗指梁敏巧烏低身問料，測試何伯是否把持得住，連自己人都玩。而梁敏巧預告說：「今晚更好看，敬請收睇！」根本昨晚播出的預告所見，《東張西望》訪問到街市檔主，直斥新何太是機心女，親述新何太如何利用靚湯一步一步埋何伯身。「佢就煲湯佢飲喇，你都唔好飲啦，係咪迷魂湯嚟呀？後期慢慢個阿伯走嚟同我講，話：『其實呢佢都可以做你契女都得！不過做你老婆都得呀！」似乎連街坊都替何伯擔心。

梁敏巧接受本網電話訪問，她表示兩位檔主見證住何伯由第一日認識新何太，到後來「煲出愛意」的過程，相當值得收看。今次獲得委以重任訪問何伯及新何太，梁敏巧表示：「其實呢個個案未出街，已經聽聞同事講呢單嘢，訪問內容都幾爆，但冇諗過最後迴響咁大。訪問當日係節目出街後一、兩日，冇諗過件事會發酵咁多日。訪問之前，我都例牌會睇吓大家對呢件事睇法，我發現啲評論都幾一面倒，所以都諗過點做訪問先令大家覺得好睇呢？事前當然有做功課，我同幕後同事都歸納幾個質疑，同埋網友流傳消息同謠言，希望夫婦們可以解答同埋親身解釋番，心態係有個平台畀佢哋去講佢哋想講嘅嘢。」

親身訪問何伯夫婦，問到梁敏巧的個人感受，她表示：「同佢兩公婆傾完偈，真係覺得何伯好愛呢個新老婆，所以我覺得...唉...人都去到呢個年齡啦，難得仲搵到個真心喜歡又願意付出嘅，作為旁人又真係好難去干涉佢哋，只能夠用張天賦一首歌《反對無效》嚟總結佢哋嘅愛情。」

{{hket:inline-image name="uy.jpg"}}{{/hket:inline-image}}

{{hket:inline-image name="oi.jpg"}}{{/hket:inline-image}}

{{hket:inline-image name="pl.jpg"}}{{/hket:inline-image}}

{{hket:inline-image name="ol.jpg"}}{{/hket:inline-image}}

{{hket:inline-image name="ik.jpg"}}{{/hket:inline-image}}

{{hket:inline-image name="uj.jpg"}}{{/hket:inline-image}}

{{hket:inline-image name="yh.jpg"}}{{/hket:inline-image}}

撰文：娛樂組