陳小春細仔Hoho越大越有女生相 3歲面仔冇肉尖下巴激似蔡思貝

現年56歲陳小春嘅同細佢16年嘅應采兒結婚13年，大仔陳胤捷（Jasper）於2013年出世，2020年再誕下細仔Hoho，一家四口長居內地。大仔Jasper曾經上綜藝節目，人氣仲勁過爸爸媽媽；而細仔Hoho都因為非常似女仔而引起網民注意，日前應采兒於網上分享家庭生活，其樣貌愈大愈似女仔，仲同一位女星撞樣。

同場加映： 新聞女王丨佘詩曼放慢腳步享受演戲兼陪家人 自嘲頭髮天然攣每晚必做一件事

{{hket:ul-video id="9751"}}{{/hket:ul-video}}

應采兒分享同細仔去迪士尼嘅相，相中Hoho頭髮有啲長，仲紮起埋頭頂嘅頭髮，完全係一個女仔樣；除此之外，Hoho嘅面仲好瘦，一啲肉都冇，完全唔似一個3歲嘅小朋友。乍看之下，仲好似TVB嘅當家花旦蔡思貝，即係同樣都咁靚女。「都市傳說」下，唔少人都話如果小朋友生得女生相，家長嘅下一胎必定會係女，唔知成日恨女恨到出晒面嘅小春會唔會再追多個呢？

{{hket:inline-image name="350499566_6251876744855157_8427047968655658995_n.jpg"}}{{/hket:inline-image}}

其實之前曾經有人質疑陳小春同應采兒刻意將囝囝當女兒養，飽受抨擊，不過應采兒之前亮相內地綜藝節目時直接回應爭議，爆大仔Jasper曾主動要求着裙。應采兒現身育兒真人騷《爸爸當家2》，與眾嘉賓及主持討論「如果兒子想嘗試穿裙子，但是在學校被同學指指點點，爸爸媽媽會怎麼應對」，應采兒大方表示Jasper小時候也想試着裙佢都未有阻止，更滿足囝囝要求讓畀佢嘗試：「但我會告訴他，這是女孩子穿的，可是嘗試我覺得沒有關係。」

至於細仔留長頭髮，佢就表示：「我心想他也沒有穿裙子，他的身、他的造型完全是男生的，只是他的頭髮比較長。我會繼續讓他留長頭髮，然後給大家看一個長頭髮的男孩子，也可以是一個很正常的男孩子。」

圖片來源：Instagram