中年好聲音丨支嚳儀曾用強勁類固醇開聲 龍婷養生為保靚聲極有紀律

《中年好聲音》的支嚳儀、龍婷和羅啟豪，早前獲邀出席《齡活全城音樂會》，並亮相由鄭丹瑞主持的網上節目《健康‧旦》，大談生活及飲食習慣，支嚳儀更憶述在《中年》參賽期間，受失聲影響，最終被淘汰，她形容是一個慘痛經歷。

同場加映：李日朗為醫嫲嫲入行迷失自我 「小顏術一代宗師」享受演大奸狗

{{hket:ul-video id="8638"}}{{/hket:ul-video}}

{{hket:inline-image name="53.jpg"}}{{/hket:inline-image}}

{{hket:inline-image name="10.jpg"}}{{/hket:inline-image}}

支譽儀在《中年好聲音》中，與林二汶合唱《Can't take my eyes off you》，可惜錄影前夕，支譽儀不慎病倒失聲三日，至錄影當日才能恢復聲線，但最終難逃淘汰命運，無緣入總決賽，支嚳儀指這次是慘痛經歷，「因為感冒菌，鼻水倒流好容易導致失聲，嗰次我一起身就啞咗，我即刻叫醒我老公，我喊咗出嚟，冇辦法，冇得玩，但我都要調節我嘅心情，我只係想有聲喺台上唱一首歌，咁就ok喇，我就想盡法子，食中藥，針灸，好感激車婉婉介紹醫生畀我，即時令我開聲，但係因為係好強力嘅類固醇，搞到四肢冇乜力，所以嗰日都係靠一種意志力話畀自己聽，完成一首歌就ok喇，唔需要諗太多，所以就算嗰日被淘汰，我都冇淚水，因為我事前已經將最壞嘅後果諗通晒，我唱到已經好感恩。」

中年好聲音丨支嚳儀失聲影響發揮最終被淘汰 曾因賽制踢走林珈徫備受爭議【下一頁】

談及生活和飲食習慣，支嚳儀表示要家庭、事業兩兼顧，加上要練歌，所以每天只能睡三至四小時，雖然會補眠，但是是一個不定時的生理時鐘。反之，龍婷就好養生，她透露每晚十時半就入房睡覺，翌日早上七點許起床，「我每朝會預半個鐘做運動，其實我唔鍾意做運動，覺得做運動係好難嘅一件事，玩吓手機、睇吓電視仲好啦，但如果朝早做一件我唔鍾意做嘅事，咁今日都冇咩事係可以難得到我，真係有用㗎，做完運動，唱歌都會開聲啲，同埋對肢體語言嘅控制都會得心應手啲。」龍婷還指自己不吃炸物，唱歌前都會少吃東西，遇到聲沙會將羅漢果、花旗參、陳皮煲水飲，還有不喝凍飲，她說：「廿幾歲嘅時候，試過失聲冇假音，我試過針灸，嗰陣時開始就唔飲凍嘢，我覺得凍嘢係最大嘅敵人，或者太甜亦都唔得。」

中年好聲音丨羅啟豪歌迷聚會被女豪殼捉實 李佳正日生日合唱贈慶好畀面【下一頁】

{{hket:inline-image name="54.jpg"}}{{/hket:inline-image}}

至於羅啟豪指自己是「夜鬼」，凌晨兩、三點才肯睡覺，他笑說：「我而家有好多工作，我係未試過咁忙，我仲習慣緊個schedule，其實除咗工作之外，我仲有做運動，又要搞fan club。」旦哥聞後即勸他要學龍婷早點睡覺休息。由於他有濕疹，最近被中醫叮囑要戒口，所以情況還可以，「唱歌之前會少食煎炸嘢、辛辣嘢。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】