談港姐退選潮 林鈺洧︰唔知佢哋咩心態

港姐冠軍林鈺洧、亞軍許子萱、季軍梁超怡等，昨日現身沙田城門河的龍舟賽事，支持出戰藝人王俊棠、「翻版王浩信」林俊其和陳欣茵等，最終TVB隊在九隊中排第七。林鈺洧與許子萱受訪時大讚今屆港姐面試佳麗質素高，林鈺洧透露昨晨遇見一班參賽者，「我喺更衣室遇見十幾、20個面試佳麗，佢哋主動同我打招呼，仲好好笑容，而且個個都好高。」

談到有六位參賽者退選，被指利用選美之名，以提升個人網絡人氣，林鈺洧表示︰「我又唔知佢哋咩心態，退選會有自己原因，有啲讀緊書，可能想畢業後再嚟參選，我都最後一年（27歲）先參選，有心唔怕遲。」

採訪、攝影︰Steven