林盛斌Bob出甫幫為食女強人好友做媒 超筍盤網民爭認頭：女版蕭徽勇

林盛斌（Bob）一向係圈中出名嘅「金牌媒人」，成功幫多位圈中人包括張秀文、朱慧敏等覓得好歸宿，而唐詩詠、莊思敏等亦一直喺佢嘅waiting list，等Bob出手。昨日佢就再出招，喺社交平台出甫，「打尖」幫助喺美國做房地產生意嘅女友人招親。網民見到呢位筍盤，唔止係男士，連一眾女士都心動呀！

同場加映：

炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

{{hket:inline-image name="66129905_707610313021462_6072351048008204288_n.jpg"}}{{/hket:inline-image}}

Bob昨日喺社交平台post呢位女友人嘅相，話本來想問佢而家美國有咩靚屋筍盤，點知原來佢甩拖冇耐，反問Bob有冇男仔筍盤介紹。Bob就幫佢做媒人，Bonnie係買賣美國房地產平台嘅創辦人，佢大讚呢位女友人：「心地善良，性格開朗，可愛活潑，平易近人，而缺點方面，係為食咗少少，真係少少嘅啫，早餐食豬扒腸蛋麵係會唔夠飽要加份餐蛋治烘底。同埋仲有一樣嘢要講明先，先小人後君子，因為佢自己喺美國有超過100間屋收緊租，所以有時可能會飛來飛去，未必成日陪到你，希望你唔好介意。有邊位男士有興趣想認識吓佢？留言啦。」

有網民指Bonnie外形係女版蕭徽勇，又有人話佢同Bob好似樣，問佢其實係咪幫細妹招親？唔少網友立即衝出嚟表示想認識Bonnie，當中有男有女，熱烈留言：「我係女孩子，可以嗎？識自己去廁所」、「要唔要契妹傾心事」、「我係女…可以認識嗎？可以陪飛來飛去」；「超筍盤，肯定下個月嫁得出」、「我團火已熄咗接近十年。今日重燃」、「咁正嘅筍盤，唔驚搵唔到筍盤，最重要係天性善良」、「阿姨，我不想努力了」、「好彩我唔食早餐，我畀埋我嗰份畀佢食」。

撰文︰娛樂組