隱形戰隊｜利穎怡怕被滅口驚恐眼神交到戲 離開《東張西望》主力拍劇：想被認可

《隱形戰隊》昨晚（23 日）播出第十四集，圍繞最新個案「拐賣少女事件」，「占卜師」Gigi（利穎怡 飾）被誤以為是拐賣少女的主謀，警察趕至其單位發現她的男友被殺，之後才發現Gigi為避免被滅口而入獄。Madam Q（唐詩詠 飾）扮臥底潛入監獄，發現Gigi十分怕事，眼神閃縮，生怕被殺害。

同場加映：周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

劇集出街後，不少人都讚利穎怡的表現亮眼，「精彩演出」、「扮得幾好」、「擔驚受怕嘅動作加眼神，整體非常刺激！」

{{hket:inline-image name="joan13.jpg"}}{{/hket:inline-image}}

利穎怡接受《晴報》訪問，透露演今次角色的心路歷程：「當初我以為最大挑戰係監獄場戲，因為監製話我唔夠驚慌，但我明明心裡面已經驚到要死。之後Jazz監製就叫我過去monitor到睇，教咗我點樣透過鏡頭睇到你心入面嘅真實感受。」

{{hket:inline-image name="joan6.jpg"}}{{/hket:inline-image}}

她又指之前上好多演戲堂，都有遇上樽頸位，但呢套劇就令她找到突破口，「之前已經拍咗錄口供場口，雖然都好順利一take過，但之後發現原來喊得最激動時對白唔夠清晰。之後我問監製可以點樣練習，因為我本身已經有練習讀報紙習慣，佢話原來唯有在家都練習好激動咁講對白先得。」

她續指今次角色令她獲益良多：「我覺得呢套劇真係學咗好多好多，短短幾場戲已經勝過我學很多堂演戲課，亦認識咗自己好多不足，所以更加令我想繼續主力喺戲劇方面發展，除咗因為演戲係自己夢想，亦同時想不斷學更多嘢。」

利穎怡入行以來主力做《東張西望》主持，不過已有一陣子沒有在節目見到她。她表示自己已離開《東張》，現在主力拍劇，做一名演員。她說：「之前一路無講因為未sure，但拍完《隱形戰隊》後，Jazz監製再用我，而家拍佢新劇《奪命提示》都幫我打咗支強心針，所以未來都想被人認可：利穎怡除咗係主持，都係一名演員！」

隱形戰隊｜林子善扮阿旺孖劉佩玥嚇退衰後母 戲外同樣暖向Moon爸許下「承諾」【下一頁】

撰文：娛樂組

圖片來源：《隱形戰隊》劇照、IG圖片