新四十二章︳史穎喬被監製相中演龔嘉欣同學 戲內戲外都係中國研究系碩士生

由陳豪、龔嘉欣、江嘉敏、周嘉洛、鄺潔楹、鄭子誠、譚凱琪及林景程等合演的新劇《新四十二章》現正播出，當中史穎喬飾演龔嘉欣的碩士同學「Alisha」，一出場就被龔嘉欣「拯救」，幫她教訓色狼。原來參加《衝上雲霄大選》而入行的史穎喬，戲內戲外都係中國研究系碩士生。

{{hket:inline-image name="s.jpg"}}{{/hket:inline-image}}

同場加映：健身室開張丨關曜儁快將做爸爸緊張到發噩夢 《下流》羅毓儀新年狂食求救減肥

{{hket:ul-video id="7514"}}{{/hket:ul-video}}

昨日一集講述龔嘉欣飾演的朱螢嬌第一日返學，在巴士就碰見Alisha被色狼毛手毛腳，擁有驚人神力的豬肉檔檔主見義勇為，幫對方教訓色狼。其後阿嬌及Alisha兩人因而成為好友兼好同學，不時出雙入對。

{{hket:inline-image name="s2.jpg"}}{{/hket:inline-image}}

{{hket:inline-image name="s4.jpg"}}{{/hket:inline-image}}

劇中史穎喬是一名中國研究系碩士生，而現實中她亦是畢業於同一學系，可謂是本色演出。陳維冠監製接受《晴報》訪問，直言是特意找史穎喬演這個角色，「因為佢本身都係讀呢科，又搵佢幫手做資料搜集。同埋搵龔嘉欣帶一帶呢個新人。」

{{hket:inline-image name="s5.jpg"}}{{/hket:inline-image}}

其實史穎喬曾在香港樹仁大學讀中國語言及文學系學士，之後在香港中文大學讀中國研究系碩士課程。而在碩士畢業後，她成為了一名空姐。不過在2020年，因為被裁員，加上對演藝又有興趣，所以她報名參選無綫節目《衝上雲霄大選》，繼而入行。

{{hket:inline-image name="285334364_132600879391624_4172241905972603975_n.jpg"}}{{/hket:inline-image}}

入行後，史穎喬被安排加入處境劇《愛回家之開心速遞》，演劇中劇《揸流灘》的女主角之一「Michelle」。她在劇中經常都以旗袍和古典髮型造型示人，甚有古典氣質。

史穎喬接受《晴報》訪問，表示今次這個角色是入行以來第一套有角色同戲份的正劇，因此非常大壓力。「事前真係超大壓力，因為自己冇乜演戲經驗。不過好彩監製有事先同我圍讀咗啲劇本，之後都有安排咗幾次惡補，同PA對多啲對白，試下行走位等等。」

她又多謝龔嘉欣這個好對手，「記得第一日開拍有6場外景，場場都係同嘉欣有對手戲，所以前一晚緊張到失眠。不過嘉欣都好好人，有佢帶住我，NG嗰陣叫我唔使緊張，仲有教我點就燈光位、鏡頭視線望邊等等。之後拍拍吓就開始慢慢咁融入呢個角色！」

{{hket:inline-image name="s7.jpg"}}{{/hket:inline-image}}

史穎喬又指這個角色與自己以前讀的科目有關，更與監製講「維度」講得好投契。「嗰時啱啱入黎冇耐，一大班新人一齊見班監製，咁啱監製度緊劇本， 又咁啱知道我讀中文系同中國研究，所以之後就搵我再傾吓偈咁。而且呢套戲都有啲內容關維度事，咁啱我自己又對呢啲嘢有興趣。記得第一次見Joe（陳維冠）, 我哋就傾靈魂出竅嘅topic。」

入行兩年，史穎喬在《新四十二章》有不少戲份，令她甚是感恩，「對上一部正劇係《十八年後的終極告白2.0》，嗰陣做一個接待員係冇角色名，全劇得三句對白。」

{{hket:inline-image name="s10.jpg"}}{{/hket:inline-image}}

新四十二章︳姚瑩瑩施焯日相差30年演姊弟 網民極速幫TVB解答原因話…【下一頁】

撰文：娛樂組