陳法拉買名牌袋送2歲囡囡

陳法拉去年在Marvel大片《尚氣與十環幫傳奇》演出亮眼，獲觀眾讚賞，而早前法拉在澳洲拍畢荷里活電影《哥斯拉》後，抽空與家人到法國出席CHANEL香水活動。法拉透露法籍老公Emmanuel Straschnov也是該品牌香水的粉絲，香水對二人來說，充滿甜蜜回憶︰「當年同老公第一次見面，佢身上就噴咗呢個品牌嘅香水，咁多年都無變，所以每次聞到呢個味道，就諗起老公。」

另外，法拉此行又特別為囡囡小米妮（Mini）買了一個手袋，作將來家傳之寶︰「我買咗一個CHANEL特別版手袋畀Mini，囡囡依家好鍾意喺屋企攞住手袋走嚟走去，佢都算半個法國人，所以買咗呢個咁有珍藏價值嘅手袋，亦係媽咪傳承畀囡囡嘅家傳之寶！」法拉完成法國之行後已回港，將拍攝一部港產片，聖誕前夕便返回法國與家人過節。