ANSONBEAN新歌MV被Alma坐大髀 甜蜜對望唔過電：我有啲淆底！

ANSONBEAN（陳毅燊）推出新歌《LOVE / PAIN》，今次他在歌曲MV中飾演殺手，再次有機會與靚女合作，艷褔不淺。他在MV中與年輕女演員郭爾君（Alma）上演一場穿梭於幻想與現實的浪漫愛情故事，一時溫馨地頭貼頭躺在地上，一時Alma騎坐在ANSONBEAN大腿上，用槍指住其太陽穴威嚇他。雖然兩人初次見面，但合作時默契十足，原來他們的共同語言是「打機」。

{{hket:inline-image name="DSC04069.JPG"}}{{/hket:inline-image}}

{{hket:inline-image name="DSC03855.JPG"}}{{/hket:inline-image}}

神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

兩人埋位首個鏡頭就是甜蜜深情對望，但一點也不生疏，一切都由Alma主動，她說：「一嚟到見佢咁怕醜，我主動問佢打唔打機，果然有效，混熟後好快就進入狀態。」除了打機，ANSONBEAN臉上一粒小小的暗瘡亦令二人破冰，他說：「因為我眼眉附近有粒小暗瘡，為咗唔想俾佢搶Fo（焦點）用頭髮遮住，Alma笑我欲蓋彌彰，大家傾吓講吓就無咁尷尬。」問ANSONBEAN拍甜蜜場面，有沒有心動？他笑說：「我有啲淆底！」

{{hket:inline-image name="DSC03713.JPG"}}{{/hket:inline-image}}

So Ching鼓勵男友阿Mo別放棄 疑「師妹團」DOLLAR誕生：Coming Soon【下一頁】

《I SWIM》劇本被指暴走親自解畫 Jeffrey想出黑圖但怕被還擊【下一頁】

另一場戲，Alma騎坐在ANSOBEAN大腿上，用道具手槍指住他頭部太陽穴位置，Alma說：「原本只係就鏡頭角度，但佢不斷同我講『嚟真啦，好睇啲架』，結果我真係『咪』咗佢魂精，加埋佢係咁掙扎，撞埋支槍度，腫咗少少！」ANSONBEAN笑說：「公司啲同事成日話我拍動作戲好易受傷，因為我成日加戲！」

今次新歌《LOVE / PAIN》MV中，ANSONBEAN飾演一名殺手，他解說歌曲故事，他說：「首歌就係講愛與痛係共存，當你鍾意一樣嘢，或者想達到某個目標時，一定有犧牲、痛苦或者挫敗感，無論愛情或者追夢都一樣，例如好想拍戲拍得好，或者演到某個水準，咁就要犧牲去玩或者同朋友家人相聚嘅時間，只要夠愛就會願意承受帶嚟嘅痛。」暫時，他未遇到這個令他願意犧牲的愛情的人，但覺得主題可以套用在任何事，例如想要靚身形去做Gym，便要犧牲美食。不少Fans要求今次新歌有跳舞版，ANSONBEAN透露會考慮：「最初版本未必啱跳舞，但編咗新版之後，我嘅Dancers團隊都話幾好跳，所以會考慮出跳舞版。」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】