過時·過節丨呂爵安與角色性格反轉挑戰自己 盧瀚霆獲毛舜筠「私補」：教我好多嘢

由新晉導演曾慶宏執導的深情之作－毛舜筠、謝君豪、呂爵安（Edan @ MIRROR）、談善言、袁澧林（Angela）、盧瀚霆（Anson Lo @ MIRROR）及梁祖堯等主演，以家庭關係為主軸的新片《過時．過節》，將於11月24日（下周四）上映。為回饋香港人早於香港亞洲電影節及優先場的大力支持，電影公司宣布，由本周四起購買《過時．過節》正場戲票一張的觀眾，即可獲贈電影海報一張！

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

電影公司繼上週發放由呂爵安主唱的電影主題曲《攀上天梯的螞蟻》MV後大受好評，導演曾慶宏表示，《過時．過節》是香港人的寫照，道盡每一種耐人尋味的家庭關係，他表示：「每個人都會喺電影入面，喺一眾角色身上，搵到自己嘅影子，或者對屋企人嘅投射。」故事中，每個人物對於這個家，都有解不開的心結，如母親阿玲（毛舜筠）的倔強與父親阿真（謝君豪）的不善表達引致矛盾，下一代受其影響，女兒阿琪（談善言）事事恐懼，兒子阿陽（呂爵安）選擇逃避。

{{hket:inline-image name="5.jpeg"}}{{/hket:inline-image}}

而作為局外人的表姐阿Joy（袁澧林）和雀仔（盧瀚霆）對於親朋好友的狀況，力求幫忙改變，卻是有口難言。而盧瀚霆於影片中更首度為其角色透露更多：「我嘅角色叫雀仔，係阿陽（呂爵安）嘅Best Friend，我同佢一齊run一間遊戲公司，性格好樂觀好動，對任何事都冇咩所謂。」Anson Lo更透露，特別感謝毛姐付出寶貴的私人時間，去提點他需要注意的細節：「拍呢三場嘅時候，毛姐三日都喺度睇，就算冇佢戲份嘅時候，off camera嘅時候，佢會即刻行埋嚟同我講話『你邊個位可以做得好啲』，佢教咗我好多嘢，而呢啲嘢係我從來未聽過同未學過。」

對於參與《過時．過節》，Anson Lo和Edan兩位好拍檔兼CP形容是超越自己的一次嘗試，Anson Lo坦言：「今次同呂爵安拍戲，我哋嘅角色性格好似同真實嘅我哋交換咗咁，我真人比較高冷，佢就比較熱情。」而Edan則表示：「今次個角色唔係大家熟悉嘅Edan，唔係《男排女將》入面嘅阿臣，唔係《大叔的愛》入面嘅阿田，阿陽呢個角色係一個好深入內在，好多層嘅角色。」

對於一眾新晉演員的投入，令片中兩位好戲之人－影帝謝君豪和影后毛舜筠倍感安心，一向出名對新晉演員疼錫有加的毛姐指，對Edan特別印象深刻：「新演員我都合作過好多，好似Edan成日都會好主動去追問『點樣可以做得好啲？』呢個心態好緊要㗎，佢係會成功嘅。」而君豪哥表示談善言和袁澧林在拍攝過程中非常專注，具備求好的精神：「阿談同Angela會專登返嚟睇我哋拍戲，吸收多啲唔同嘅經驗，或者佢哋睇到一啲好同唔好嘅嘢，都可以去吸收。好似我同阿談兩父女喺車上面嘅對戲，佢會想加插一啲細節，我覺得係相當之好，係一個好有睇法嘅演員。」

圖片來源：大會提供