Cammi生活富貴打卡養名種貓狗 嫌棄討錫狗狗多次出腳撐開

陳冠希其中一任舊愛Cammi（現名：謝熙婷，前名：謝芷蕙）轉營KOL界，不時都會在IG炫耀富貴生活，矯飾名媛級奢華日常。財來自有方嘅佢疫情前經常周遊列國，甚至坐過私人飛機，今日佢都post咗自己坐頭等去旅行嘅相，何其富泰。平日睇Cammi相片，估計唔係與家人同住，佢不愁寂寞啦，養咗幾隻名種貓狗，而日前一個行為就睇到佢好嫌棄狗狗！

同場加映：忽然心動丨湯洛雯首次拍電影七日起貨嗌爽 栢天男演出租男友堅食蟲？

{{hket:ul-video id="6937"}}{{/hket:ul-video}}

Cammi近年全職歎世界，而家飛咗去日本度假。佢平日衣着打扮周身名牌、CHANEL和HERMÈS的手袋唔離身，又豪住五星級酒店，出入米芝蓮高級餐廳以及打golf等等，幾乎過住上流社會的生活，富貴得令人羡慕。除咗炫誇名牌之外，佢仲不時share可愛寵物靚相，包括兩隻布偶貓，一隻貴婦狗同埋一隻美國惡霸犬，平日顯得好有愛心，但日前佢甫出一條短片，就「露晒底」！

{{hket:inline-image name="204780383_322969562666228_118171457506659276_n.jpg"}}{{/hket:inline-image}}

片中Cammi坐喺梳化，見到佢賣弄白滑嘅長腿，飼養嘅小美國惡霸犬「旺財」就不斷撲上梳化，似乎好想親近主人。Cammi完全唔想理佢，一邊拍片，一邊用腳撐開狗狗，仲話：「走開，好煩呀你……」狗狗百折不撓繼續跳上梳化，片段到尾主人都係冇理佢，仲打上caption：「點解沖完涼第二日咁臭？」似乎好嫌棄！

有網民質疑Cammi唔係真正有愛心，憤憤不平稱：「平時影咁多相攬貓抱狗，真係錫就唔會用腳撐」、「傷害性不大，侮辱性很高」、「平時都係為咗打卡？我就唔會嫌自己個仔臭」。同時有人撐佢，「見佢啲寵物都好食好住呀」、「不能憑一個畫面衡量她對小狗的愛」。

圖片來源：Instagram