陳煒聽老公「50+1」愛的宣言勁感動 袁文傑想邀「細妹」邢慧敏拍《愛回家》

陳煒昨晚與醫生男友陳國強結婚擺酒，今日下午便立即復工，現身觀塘宣傳劇集《黯夜守護者》。新婚的煒哥甫現身，現場粉絲即大叫「陳太」；粉絲又上台送上蛋糕、鮮花及飾物給煒哥，希望偶像除了是「最佳老婆」，亦是「2022最佳女主角」，令煒哥感動得熱淚盈眶。

同場加映：黯夜守護者丨區明妙循亡父教導選擇無悔的路 18歲起財政獨立望照顧好媽媽

{{hket:ul-video id="6644"}}{{/hket:ul-video}}

{{hket:inline-image name="DSC_4144.JPG"}}{{/hket:inline-image}}

{{hket:inline-image name="101.jpg"}}{{/hket:inline-image}}

陳煒和陳國強昨日簽紙結成夫婦，晚上則宴請親朋好友，陳國強席上向太太宣讀愛的宣言：「我想喺呢度，回應佢之前講50年不變嘅報道，我喺度講我係會『50年+1日』不變，嚟緊呢段時間都會錫你、寵你、愛你！」到了拋花球環節，同樣單身的朱晨麗及江美儀力爭花球，結果由朱晨麗成功搶到。

{{hket:inline-image name="IMG_7191.JPG"}}{{/hket:inline-image}}

{{hket:inline-image name="DSC_4308.JPG"}}{{/hket:inline-image}}

今日煒哥和老公便如常工作，煒哥下午與陳敏之、袁文傑及江嘉敏等一同現身宣傳活動，她坦言婚禮上的一切皆十分感動，又大爆老公不斷被她的好友們「恐嚇」︰「佢哋係咁叫陳醫生要對我好啲，如果對我唔好就打佢，陳醫生惟有不斷講『係，知道』。」煒哥又透露在婚禮上聽不懂老公「50+1」愛的宣言，要事後再問老公：「老公意思係唔想我有傷心嘅時候，因為我每次睇Supper Moment《最後晚餐》嘅動畫MV都會感動到喊，佢想同我白頭到老，互相扶持。」

{{hket:inline-image name="DSC_4338.JPG"}}{{/hket:inline-image}}

{{hket:inline-image name="DSC_4398.JPG"}}{{/hket:inline-image}}

提到朱晨麗接得花球，煒哥大爆對方將會出席相睇活動，「佢要求我陪佢去，幫下佢眼，但未約到時間。（叫陳醫生介紹醫生朋友？）佢啲朋友都老喇！（朱晨麗嫌老？）唔係，係年齡層上唔適合。」另外，袁文傑被指與「友誼小姐」邢慧敏撞樣，袁文傑笑說：「話我哋係兄妹吖嘛，側面都有少少似嘅。（同佢合作？）好呀，搵佢拍《愛．回家》囉，潮偉可以有個妹，叫潮妹。」

{{hket:inline-image name="DSC_4271.JPG"}}{{/hket:inline-image}}

撰文：倪小珊