MIRROR個唱售票混亂捱批 盧瀚霆勤力「上水」安撫粉絲

人氣男團MIRROR將於下月底舉行紅館個唱，但近日多次網上售票均被投訴安排混亂，令「鏡粉（MIRROR粉絲）」怨聲載道。成員盧瀚霆（Anson Lo）直言不想大家失望，因此會密密更新社交平台，安撫粉絲心靈。

盧瀚霆、黃德斌、簡慕華、徐㴓喬（Asha）及魏浚笙（Jeffrey）等前晚於西貢拍攝ViuTV新劇《百萬同居計劃》，提到新劇拍檔由Jeffrey頂替隊友呂爵安（Edan），Anson Lo表示這是首次與Jeffrey合作︰「初時以為佢係好斯文嘅男仔，但相處之後先知佢好玩得，係劇組嘅『開心果』。（有傳Edan會客串？）我暫時未收到呢個消息，但Edan呢排好忙，寧願佢休息多啲。」

MIRROR將於下月底假紅館開騷，但日前公開售票時出現「絕望座位表」，大部分門票留給贊助商及供內部認購；至於早前加開的兩場「MIRO（MIRROR歌迷會會員）」專場，依然被指售票安排混亂，令眾多MIRO不悅。Anson Lo直言不希望見到粉絲失望︰「本身追MIRROR係一個娛樂，唔想大家變得咁有壓力，辛苦晒大家去撲飛…我唯一可以做就係安撫大家心靈，喺社交媒體勤力啲『上水』、同大家傾偈、post多啲嘢，分散大家嘅壓力同注意力。」

魏浚笙被爆怪癖

另一邊廂，Jeffrey在劇中猛烈追求Asha，Asha表示本身是《膠戰》的粉絲，因此十分期待與Jeffrey合作，但認識對方後，對他的幻想完全破滅。她笑說︰「識咗佢之後，發現佢同德斌性格好似，一個大叔、一個細叔，兩個都好多嘢講。」Asha更大爆Jeffrey會無故大叫，Jeffrey則解釋︰「我擔心自己會眼瞓，用呢個方法叫醒自己同身邊人啫。」

撰文︰Pauline

美術︰梁政敏