紅館騷開鑼 關心妍邀前緋聞男友蕭正楠任嘉賓

關心妍（Jade）前晚假紅館舉行首場個唱，圈中好友蔡一智、蔡一傑及譚嘉儀等到場支持。Jade在騷上自彈自唱、吹色士風，大曬音樂才華；之後她與女兒楊榮心合唱《SMILE》，心心更在台上表演打觔斗，令觀眾興奮不已。

另外，Jade請來同期出道的前緋聞男友蕭正楠做嘉賓，當蕭正楠現身時，全場尖叫聲不斷。二人不但合唱《特別鳴謝》，又在台上「想當年」︰「好多朋友都喺K房唱呢首歌『炒車』，諗番當年拍MV，發現Jade咁多年都無變過，大家要畀多啲掌聲Jade，真係眨下眼過得咁快。多謝Jade邀請，畀我有機會再喺紅館度體驗唱歌。」Jade則指見到蕭正楠即時「青春晒」︰「好多fans都叫我搵番原唱出嚟，終於請到蕭正楠嚟，大家開唔開心呀？」