孖鄭俊弘影唯美孕照 何雁詩搬新居迎B仔

何雁詩（Stephanie）與老公鄭俊弘（Fred）今年宣布造人成功，懷有B仔的Stephanie預產期在本月中。她前日在社交網曬出兩張黑白孕照，今次她更與Fred齊齊上陣，相片甚有藝術感，同時溫馨有愛。

Stephanie透露將搬新居迎接BB︰「今個禮拜搬屋，開始打理BB房，老公開始砌BB床，先意識到佢真係好快要嚟到我哋嘅家庭啦！懷孕真係會令一個女孩子變成女人，我最近有一個好強烈嘅意慾，將新屋清理得徹徹底底，處理好BB嘅所有物品，最重要係，我以前真係唔會執屋㗎！希望喺BB嚟之前可以將屋企整理得乾乾淨淨，不過當然，我都會量力而為啦！」網民均祝福Stephanie生個健康又肥肥白白的BB。