朱門酒肉臭丨陳浩民蔣麗莎食小龍蝦齋吮味 堅持畀保姆食餸尾講成「恩賜」

現年52歲嘅陳浩民2011年同細佢16歲嘅內地model蔣麗莎結婚，5年內火速生咗3女1子，近幾年全家人移居上海。橘越淮而枳，唔少人都話陳浩民近年無論係樣定性格都越來越似內地人，非常融入！夫婦二人不時都會直播帶貨，不過佢哋直播時發表嘅言論經常引起爭議，日前佢哋再就要保姆食餸尾嘅事件解釋，結果越描越黑再惹公憤。

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

蔣麗莎同陳浩民平日會畀剩菜剩飯保姆打包，一早被指唔尊重保姆，蔣麗莎就以高高在上姿態回應：「我每個月花20000元工資請保姆來幹活，而不是來享福的，誰家保姆是用來養著的？我們家沒有讓保姆上桌吃飯的習慣，既然我開工資給她，那她就應該做好自己的事情，我不是不尊重保姆，我們給保姆的工資在上海算是高的了」。

{{hket:inline-image name="46f3-icuacrz8498576.jpg"}}{{/hket:inline-image}}

言論引起網民討論，有人覺得睇錢份上，唔同枱食飯冇所謂：「都出兩萬即係唔預包伙食啦，大可以倒咗佢都唔益保姆」、「兩萬人仔高人工過好多人」。不過都有好多人指出係尊重問題：「其實食餸尾有實際嘅衛生問題。陳浩民老婆自己都識講，大家係僱傭關係你幻想吓你老細食完晏，見你未食飯，用佢自己夾過餸嘅筷子，再喺佢已經撩過又夾過嘅小菜夾一碟畀你食……」、「人工高就要出賣尊嚴？你奴性咁重？」

其實前幾日蔣麗莎直插煮小龍蝦已經被插，因為二人嘅食法非常浪費，佢哋話：「我們吃小龍蝦不吃頭、不吃尾、不吃黃，就吸中間的一點味道」，老公陳浩民解釋：「表示我們生活方式要的是質量，不是數量！我們感覺小龍蝦頭和尾挺髒的，但是又喜歡它的味道，所以我們一直都不吃，只聞味道」。

內地網民鬧爆夫婦二人浪費：「這種言論應該禁播」、「那買個調味料炒一下就好，還買小龍蝦幹嘛」、「你們是神仙嗎？只聞味道？」。蔣麗莎就同網民對罵，更諷刺有啲人「食唔起」：「我們家水龍頭水放多了一點，你們都覺得浪費，真是瞎操心，我們一直都這麼生活，也沒出現甚麼不好的情況。大家還是管好自己，少管別人家的閒事」。

圖片來源：微博

撰文：黃蘊姿

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】