炎明熹出戰《聲生不息》 高晨維讚愛徒準備充足

炎明熹（Gigi）近日身在湖南長沙，錄製歌唱真人騷《聲生不息》，不過有粉絲擔心這位16歲新星身邊僅得姑丈陪伴，獨闖內地大舞台難抵壓力。Gigi的歌唱老師高晨維昨晨接受本報訪問，表示一直有為Gigi練習︰「有無比賽都好，我哋因為疫情關係都keep住用Zoom上堂，佢一直都有練唔同歌曲做好準備，大家唔使太擔心。」

高老師披露，於疫情期間送贈了錄歌設備予愛徒，她說︰「除咗用部機上堂練習，Gigi成日都會錄歌send畀我聽，我哋幾乎每日都有聯絡同溝通。」高老師又強調對愛徒信心十足︰「佢一向對自己演出質素要求高，唔會去到某個時間先預備。（可有幫Gigi紓緩壓力？）佢參加《聲夢傳奇》後每一步都係大挑戰，我都有分享自己細個嘅參賽經驗，佢有問我以前比賽點面對？心情點？我都會解釋畀佢知。因為佢有時心情會好繃緊，我希望大家將擔心轉化成鼓勵。」