疑箍煲成功 張致恒Po文暗示太太再懷孕

張致恒（Steven）19年與歌迷區燕雯（雯雯）奉子成婚，育有兩歲大仔張天寶及一歲細仔張天牧。不過，雯雯於上周四突然在IG公告與Steven已分開，並寫上「今天我們正式離婚了」。事隔三日，事情突然峰迴路轉，Steven疑箍煲成功，昨午他上載一家四口在郊外的全家福留言︰「人嘅一生中總會犯唔同嘅錯，感情事、工作事、家庭事、友情事，但係最重要係犯錯過後點樣去反省改過繼續行前面嘅路，多謝老婆喺呢兩年幾嘅日子包容我犯嘅錯。」

Steven強調經數日來與老婆溝通，二人決定繼續一齊走前面的路，他並稱︰「兩夫妻有好多嘢要學習，仲有好長好長嘅路要大家一齊學習，好好咁樣愛下去！I love u區燕雯。」不過，他出po後不久忽然刪除「I love u區燕雯」這句，並改為「一家五口好好咁樣愛下去。」明明一家四口卻寫一家五口，似乎暗示雯雯再陀B。此外，雯雯昨晚亦Po出為愛犬慶生的照片，感覺十分歡樂，相信她與Steven已雨過天晴。