上唇受感染求醫 林芊妤囝囝慘變「醜小鴨」

林芊妤（Coffee）自從兒子翟德彥（伯伯）出世，一直兼顧事業與家庭。近日Coffee卻放下工作，專心照顧囝囝，原來伯伯的上唇受感染而腫脹，慘變「醜小鴨」，讓Coffee擔心得發噩夢，她更形容夢境情節似足拍戲！

林芊妤昨日在社交網發長文，記錄兒子出世後第一次到醫院的經歷，她留言道︰「前兩日佢（兒子）話上唇入面痛，我睇完又見唔到有啲乜嘢，只係有少少紅，諗住佢係生痱滋熱氣。噚日個上唇有少少腫，以為佢撞到，到瞓覺嘅時候腫到不得了，仲有少少發燒，即刻抱住佢去醫院，驚佢食物敏感，怕佢會唞唔到氣，見完醫生話佢係病毒或者有細菌感染，應該本身嘴入面有傷口。」

對於「伯伯」生病，身為媽媽的Coffee，心情自然忐忑不安，「依家佢變咗一隻鴨仔，完全唔認得佢，中咗面目全非拳。今次都係BB第一次要食藥，我都推晒啲會議同工作，喺屋企陪佢。今次真係（變咗）陰公鴨鴨！」

籲生仔要考慮清楚

Coffee回想當時抱囝囝到醫院的過程，緊張得發噩夢，「到半夜睇完醫生返到屋企，我都仲發噩夢，夢到世界末日，然後我哋必須揀上船，或者係留喺度等死…我見到BB着住啲爛衫企咗喺門口，成身污糟邋遢，好似無沖過涼咁，跟住我衝過去攬住佢，佢就係咁喊。」Coffee形容夢境有如拍電影，又寄語準備做父母的朋友要考慮清楚，但她笑言︰「點解我完全無理我老公去咗邊？」看來Coffee不忘苦中作樂。

撰文︰Pauline

美術︰梁政敏