三年抱三｜陳嘉寶首次曬大肚相證真‧懷孕 自嘲似豬八戒：感覺好赤裸

現年31歲的陳嘉寶（Anjay）三年抱三，婚後誕後大女Hosanna及二女Eliana，而第3胎將於12月底出生。日前她與丈夫黃頌祈（Epaphras）、女兒去影樓影全家福，終於讓外界睇到她的大肚look，Anjay自嘲似豬八戒有個大肚腩，「大家成日問我個肚喺邊？過去2胎成日問我點解唔影？今次就影嘞，做個紀念，同埋滿足大家嘅好奇心，其實我係有肚㗎！」

{{hket:inline-image name="12072009.jpg"}}{{/hket:inline-image}}

{{hket:inline-image name="12072008.jpg"}}{{/hket:inline-image}}

同場加映：拳王│許家傑好人難做演奸角成專業 「慶幸自己11年前冇入錯行」

{{hket:ul-video id="4802"}}{{/hket:ul-video}}

Anjay第一次拍攝大肚寫真，初時顯得不太習慣，大嗌感覺赤裸裸，幸好有好姊妹蔡穎恩到場幫手湊女，減輕她不少負擔。對於第三胎才影大肚相，Anjay說：「大家成日問我個肚喺邊？過去2胎成日問我點解唔影？今次就影嘞，做個紀念，同埋滿足大家嘅好奇心，其實我係有肚㗎！曾經有人懷疑過大女Hosanna唔係我生，話我係搵代母，所以真係想話畀大家聽，我真係有個肚㗎！哈哈，今次就攞出嚟畀大家睇吓啦！呢個感覺好赤裸、太性感嘞！就算冇BB嘅時候都好少露腰，所以拍攝時會覺得自己好似豬八戒有個大肚腩，哈哈！」 

三年抱三丨陳嘉寶被追問長洲人生仔有地分 澄清冇身家分：去翻睇《溏心風暴》【下一頁】
 
原來Anjay的婆婆的家族在上世紀20、30年代是經營照相館的，她看到家中的懷舊全家福時特別感觸，「婆婆鍾意影相，鍾意影全家福，婆婆亦會將以前嘅故事同我媽咪分享，所以我哋屋企都鍾意影相，有一種情意結。睇番以前婆婆喺照相館嘅相、爸爸媽媽同公公婆婆影嘅傳統全家福，已經發黃或者黑白照，都好期待將來可以影一輯。我哋呢三代計埋都有13人，等小朋友長大、唔係太難控制嘅時候，都想book一啲香港舊式嘅影相鋪，希望喺呢個文化消失前重有機會影到。」 

老公黃頌祈出po感謝太太│陳嘉寶細女未滿1歲再爆懷孕5個月 三年抱三：個肚點都要封住先【下一頁】

提到今胎預產期是在聖誕期間，Anjay心裏希望待節日後才「卸貨」，「其實而家開始有啲緊張，仲未準備『走佬袋』，BB用品已經齊備……BB預產期啱啱係聖誔節同元旦嘅節日，希望畀我過晒啲party先出嚟就可以安心地坐月，因為如果坐月嘅時候有party，好多嘢都唔食得，所以等我enjoy埋先啦！如果我坐緊月嘅時候，大家開party就會好無癮，小朋友又冇得出去玩，希望畀我過埋節先。」語畢她又很矛盾話想BB快些出世，因可以抱抱小朋友，「想快啲生出嚟嘅一個原因，之後可以抱番大女二女，因為而家個肚太大、頂住，完全抱唔到佢哋，等我卸咗貨之後就可以畀番多啲時間、瘋狂抱佢哋，對大家要公平嘛。」

（↓點擊放大睇圖片↓）

Anjay今日在IG分享大肚相並表示：「自從3年前懷Hosanna開始，到懷Eliana，再到今次，大家最常問的都是：『你的大肚子呢？』在這！大肚子跟大家say個hi。#1個月前拍的 #8個多月的肚肚 #肚子現在又更大了 #還有其他造型慢慢post #機會難逢留個念 #謝謝這支夢幻團隊」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}