知情識趣31｜馬浚偉搞名人賽想搵安仔Sammi 玩兒時遊戲：冇抄《魷魚遊戲》

馬浚偉以港台創作總監身分籌備的首個電視節目《知情識趣31》，今日（8日）在紅雨情況下舉行記者會，出席嘉賓包括港台顧問（節目）何重恩、殿堂級填詞人鄭國江、前香港天文台台長岑智明及香港中華文化發展聯合會主席伍德基等。眾人在台上被考對象形文字及古文字的認識，最後順利過關，順序排列該節目的名稱。

{{hket:inline-image name="IMG_2779.JPG"}}{{/hket:inline-image}}

{{hket:inline-image name="IMG_2704.JPG"}}{{/hket:inline-image}}

同場加映：MIRROR正副隊長｜AK Lokman舞蹈員出身無悔做歌手 「有時候呢種攰都係一種幸福」

{{hket:ul-video id="4342"}}{{/hket:ul-video}}

馬浚偉向來有「黃雨代言人」稱號，總會跟天氣扯上關係，今日開記者會就遇上三號風球及紅雨警告，較早時段更嚴重至黑雨。馬仔笑說：「係，我呢個『黃雨代言人』永不退休，咁多年嚟依然繼續有，唔單止黃雨，今日紅雨、黑雨出齊晒，之後仲要三號風球。（同前台長岑智明雙劍合壁？）我覺得係，不過都要問番岑台長，哈哈…，總之希望安全為上，初頭以為要取消記者會，後來見一點前落咗黑雨，大家覺得可以繼續。」

藝員訓練班│馬浚偉首任校長著重學員操守品德 「尊重行業 唔好以為自己係明星」【下一頁】

提到《知情識趣31》是以昔日《溫故知新》作為藍本，這次又請來當年策劃人鄭國江坐鎮，馬仔話：「有TVB同事識得鄭Sir，於是托人搵佢，佢又好快答應我出席。鄭Sir好錫我，早幾年佢嘅演唱會有搵過我，但同我啲工作撞期，當年係去唔到，不過佢嚟緊出年5月又有演唱會，我都應承咗佢，有需要就搵我，嚟到一定嚟支持鄭Sir。」

（↓點擊圖片放大↓）

至於新舊節目有何不同？馬仔表示：「今次只係初中生，內容會複雜過以前，唔同以前半小時，今次係一小時節目，當中『知情識趣』代表4個環節，唔單止會講知識，會有啲好有趣味遊戲，會有踢毽、劍球呢類兒時遊戲，但唔係抄《魷魚遊戲》，我可以發誓。成件事係輕鬆開心，唔想學生嚟到覺得呢個原來係比賽，真係唔係一個學術比賽。（預告會搞名人賽？）會先做兩集名人賽，我哋會開始搵嘉賓，心目中人選有劉心悠、歐陽震華夫婦同衛蘭，相信佢哋有時間、喺香港嘅話應該ok。（剛才提過搵許志安同鄭秀文？）其實最後由港台去邀請，佢哋搵唔到我先會碌人情卡。（會否考慮邀請契妹？）三個（指鍾嘉欣、陳法拉及楊茜堯）都唔喺香港，佢哋喺加拿大、美國同內地。TVB方面又唔難搵，同港台關係好好，大家嚟緊合作好多，所以好多TVB藝人係無問題，坦白講，開電視同ViuTV有合適藝人都會請。」

撰文：梁榮達

（《晴報》圖片）

同場加映：Sick問識答｜中醫講解有邊幾類食物經前忌食

{{hket:ul-video id="4328"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】