阿嬌八卦吳亦凡桃色醜聞嗌攰 有感而發:娛樂圈對女明星不好

日前吳亦凡桃色事件引起全城關注，越來越多女性表示自己係「受害人」，事件越爆越誇張，吳亦凡嘅緋聞女友兼網紅仲大爆男方性癖好，甚至指佢曾經迷姦、誘姦未成年少女！花生多到食唔切，事件juicy到連鍾欣潼（阿嬌）都忍唔住喺粉絲群組同人討論。

{{hket:inline-image name="001Tl0H7gy1grkjxwbgaxj647s5wi4qv02.jpg"}}{{/hket:inline-image}}

阿嬌「空降」自己微博粉絲群，大談吳亦凡事件。她表示自己吃瓜（食花生）吃得好累：「18個，29（個）？同一套路，我已麻木了。」又講到雙方都報了警，進入司法程序應該不會爆料，阿嬌仲笑言吳亦凡最應該轉錢過數畀佢，因為佢用手機數據睇桃色新聞：「我從昨天晚上到今天早上到現在手機沒有離開過手。」網民都話阿嬌係「畀靚樣耽誤嘅諧星」，估唔到佢咁親民，冇大明星架子，八卦起上嚟同一般人冇分別。

不過事件都勾起網民對2008年「不雅照事件」嘅回憶，有喜歡說教嘅網民指阿嬌當年嘅新聞更加震撼，又話阿嬌自己都曾經「受害」，亦係明星，風頭火勢仲以食花生嘅態度加把嘴實在唔太合適。

吳亦凡事件喺網絡發酵後，「中國演出行業協會」在微博表態，稱「無論法律制裁，還是自律懲戒，都需要依據事實，不能僅憑網路『爆料』。演藝人員如若觸犯法律自有法律嚴懲」但在今年年初的「鄭爽代孕事件」中，「中國演出行業協會」則以「明星承受比公眾更高標準的道德要求和私行規範，承擔比普通百姓更多的社會責任」進行批判、公審，因此受到眾多網友質疑其雙重標準──對女明星講道德，對男明星卻講法律，此舉在網絡上引起熱議。

阿嬌透露自己都唔太好奇，係《演員請就位》嘅導演八卦，狂send相關新聞畀佢，坦言：「娛樂圈對女明星不好，但也讓我變成更好的人。」有粉絲撐佢可能有所感觸，先會喺粉絲群同大家講出呢番說話。

同場加映： 不可愛教主│Anson Lo忙爆日睡4小時仍追Po 「衝刺期唔通請假去瞓覺咩？」

{{hket:ul-video id="3644"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】