鄧麗欣一秒變容祖兒本尊都撈亂 「文化差異」王子捉字蝨：妳學壞了

鄧麗欣（Stephy）天生麗質，唔少觀眾都睇住佢大，見證住佢唔同時期嘅靚樣。現年37歲嘅佢狀態依然好好，可以話係「淡妝濃抹總相宜」；而Stephy她都好自信，不時會喺自己嘅社交平台大曬素顏照。日前佢上載一張戴住漁夫帽同口罩嘅自拍照，僅僅露出一雙冇化眼妝嘅眼，竟然意外同另一位明星撞樣！

{{hket:inline-image name="156345503_1624219731299430_369511716147268747_n.jpg"}}{{/hket:inline-image}}

唔少網民都話一見到呢張相以為係容祖兒嘅自拍照，表示「第一眼以為容祖兒」、「好似！」、「第一眼睇錯！」，連Stephy自己都忍唔住出限時動態「相認」，表示「我自己睇睇下都覺得好似！」。「本尊」容祖兒都幽默留言：「我幾時影㗎？」原本完全唔似樣嘅Stephy同容祖兒竟然因為口罩一秒變「孖生姊妹」，好多網民都想佢哋戴着口罩一起影張合照，睇吓到底有幾似。

（↓點擊圖片放大↓）

不過最爆嘅都係Stephy嘅台灣男友王子（邱勝翊）嘅留言，Stephy嘅Caption引起佢遐想：「假期結束，是時候露下面，啊～是露下眼👀#Hello#幾天不見#沒有社交媒體的年代#存在感到底在哪裡刷。」有「文化差異」嘅王子即刻「捉字蝨」講有味笑話留言畀Stephy：「你學壞了」。不過Stephy就似乎不明所意，畀咗一個疑惑嘅表情符號佢。原本王子將Stephy露下面（蒲頭）嘅意思曲解為國語嘅「露『下面』」，有人都為Stephy解釋：「廣東話的露下面意思是露個面啦。」有網民就話頂唔順佢兩個成日隔空放閃，同時又好羨慕佢哋咁耐嘅異地戀都可以keep得咁好！