野外步出│鄺潔楹豪氣揚言包起近萬元拍攝費 自爆同黑人Rapper拍拖迷戀才華

J2節目《野外步出》最新一集是滑翔傘，主持人方紹聰（奶仔）帶埋《愛回家之開心速遞》中的「島大女神」鄺潔楹（Judy）一齊登山玩滑翔傘。他們在教練和飛行員的帶領之下，孭住沉重的傘具攀山。Judy身形細細粒，傘具的背包比她還要大，最終決定由教練和奶仔代勞，但由於太沉重，奶仔攀爬時多次不慎跌倒。

【醉爆女神】鄺潔楹傳與酒吧業富二代熱戀 酒後施冧功：大家畀啲空間我哋【下一頁】

{{hket:inline-image name="IMG_7993.jpg"}}{{/hket:inline-image}}

{{hket:inline-image name="IMG_2502.jpg"}}{{/hket:inline-image}}

教練指滑翔傘發燒友平均年齡55歲，因屬於高消費的消閒活動，Judy聽後大為吃驚，教練說：「唔係喎，睇新聞講你有幾千萬物業！」Judy連忙否認指報館搵錯資料，辯稱只是報道錯誤。Judy一邊上裝備一邊表現非常雀躍，奶仔笑言：「你冷靜啲！你真係可以演精神病人！我都輸畀你！」Judy和奶仔各自跟教練出現飛上天，Judy在空中非常淡定，更掏出口袋裡的燒賣，在空中食早餐，奶仔則食雞髀，認真招積！

降落之後，攝製隊發現兩人在空中的畫面原來沒有成功拍攝，前功盡廢，奶仔跟攝影師各執一詞，非常火爆。由於拍攝片段不足夠作播出，Judy見狀即時安慰雙方做「和事佬」，並豪氣揚言可以包下三位的滑翔傘（價錢約9000元），下次再約期飛過，希望可以息事寧人。最終，奶仔終於自爆原來只是整蠱Judy，測驗Judy的義氣，沒想到對方非常親切和夠義氣。

（點擊圖片放大）

《愛回家》池子孝Venus藕斷絲連網友嗌罷睇 拜金女遭受報應能否加同情分？【下一頁】

節目尾聲，Judy表示自己目前單身，被問到是否期待結婚？Judy說：「我唔係不婚主義，其實我好鍾意小朋友，不過呢個時刻唔係話結就結。」Judy自爆曾經跟黑人拍拖，她表示自己讀書時代的學校都比較多黑人，所以自自然然就習慣了膚色，更大讚非常有吸引力。奶仔語帶雙關問黑人有何長處？Judy笑笑口答：「唔係長處，當時佢識得Rap，我鍾意令我開心嘅人，因為我唔可以悶。」

{{hket:inline-image name="judy8.jpg"}}{{/hket:inline-image}}

責任編輯：楊安莉

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress