現年52歲嘅伊能靜2009年同庾澄慶離婚，5年前嫁細佢10年嘅內地男星秦昊，仲生埋囡囡「小米粒」，非常幸福美滿。呢段姊弟戀一度成為熱話，夫妻二人經常以此作話題，有時仲會拎嚟講笑。不過近日「小燕子」黃奕喺內地綜藝節目《吐槽大會》上當眾明嘲暗諷咁「形容」呢段婚姻，就觸動到伊能靜嘅神經，喺微博鬧爆節目嘅撰稿好有問題！
節目《吐槽大會》係藝人以「吐槽」（揭人短處）方式，互相調侃交流。當日黃奕先係自嘲自己婚姻失敗「上錯花轎嫁錯郎」，之後就笑秦昊同伊能靜嘅「姊弟戀」，字面睇形容秦昊好似嫁畀阿媽咁，「伊能靜比秦昊大十幾歲，不像我命苦，秦昊是上對花轎嫁對娘」、「每次情人節的時候，秦昊都送伊能靜很多康乃馨」，台下其他藝人同秦昊都哈哈大笑，有嘉賓問到點解係康乃馨時，秦昊仲自己解釋話康乃馨係送畀媽媽，開玩笑話自己係「追星追成老婆」。
不過節目播出後，伊能靜相當不滿被節目調侃自己係秦昊嘅「娘」，喺微博發文鬧爆《吐槽大會》，「女人比男人大是個梗 (笑位)？為甚麼男人比女人大不是？女人大就是娘，怎麼沒聽過男人大嘲笑是爹？我們和男人一樣，不是嫁不是娶，我們一樣是選擇了婚姻。作為當事者本人，我不接受這個梗。這不是藝人的問題，甚麼時代了？寫稿的人請學會尊重女性。」
（↓點擊圖片放大↓）
- {{hket:inline-image name="8f327975-8ec4-49f3-b86b-5edc54a687cd.jpg"}}{{/hket:inline-image}}
- {{hket:inline-image name="5.JPG"}}{{/hket:inline-image}}
- {{hket:inline-image name="123.JPG"}}{{/hket:inline-image}}
- {{hket:inline-image name="20200702005163.jpg"}}{{/hket:inline-image}}
- {{hket:inline-image name="5a4e458a98d99d31dd2f67c1f0079dfbsaasftp20200221.jpg"}}{{/hket:inline-image}}
- {{hket:inline-image name="1598393374.jpg"}}{{/hket:inline-image}}
- {{hket:inline-image name="54fc6c55ee0121cf48f98edf27330b88saasftp20200221.jpg"}}{{/hket:inline-image}}
- {{hket:inline-image name="2.JPG"}}{{/hket:inline-image}}
- {{hket:inline-image name="1.jpg"}}{{/hket:inline-image}}
- {{hket:inline-image name="3274-itvqcca1771121.jpg"}}{{/hket:inline-image}}
- {{hket:inline-image name="11.JPG"}}{{/hket:inline-image}}
- {{hket:inline-image name="10.JPG"}}{{/hket:inline-image}}
- {{hket:inline-image name="9.JPG"}}{{/hket:inline-image}}
- {{hket:inline-image name="8.JPG"}}{{/hket:inline-image}}
- {{hket:inline-image name="7.JPG"}}{{/hket:inline-image}}
雖然伊能靜只係鬧寫稿嘅人，不過有網民都鬧黃奕自己係講者亦有責任過濾。唔不少網民都撐伊能靜，指呢個玩笑太低級，又話時代好似倒退咗咁去咗清朝！都有人指節目上唔見秦昊有任何反感表現，仲話佢哋夫妻上節目應該「食得鹹魚抵得渴」，「不知道這個節目屬性可以叫你老公不要參加」。