黃宗澤想帶三點式蝦頭返家

伍詠薇與林盛斌（Bob）主持的節目《Tiger's Talk》，日前請來劇集《愛美麗狂想曲》演員李佳芯（Ali）、何廣沛、陳瀅、譚凱琪（Zoe）和楊詩敏（蝦頭）接受訪問。期間伍姑娘踢爆蝦頭與黃宗澤（Bosco）過從甚密，陳瀅更即時致電Bosco「嚴刑迫供」，沒想到Bosco公開向蝦頭示愛，場面搞笑。

節目中，陳瀅致電黃宗澤後，眾人即追問他是否對蝦頭有意思？Bosco笑說︰「我直情迷戀蝦頭十年啦，佢起勢用電眼電我，但電我嗰時永世唔着低胸裝喎，蝦頭出名身材好吖嘛。如果蝦頭着三點式企喺我屋企客廳，我真係會忍唔住。（有咩同蝦頭講？）蝦頭，I love you！」蝦頭則搞笑說：「我知Bosco好鍾意我呢類型，成日有意無意提起我。」

此外，李佳芯大談過往感情事，自言當年拍拖不久，男友便往外國讀書：「幾年來我無同其他人拍拖，佢都話無，咁返嚟之後再一齊番，不過我有啲懷疑。」Ali後來在網上發現男友出軌證據，立即斬纜分手。

何廣沛慘被「派帽」

譚凱琪試過在不知情下做了第三者，而何廣沛則經歷「被派帽」的男人最痛。何廣沛說：「十幾年前我喺外國讀書，雖然同女朋友已分手，但仲一直藕斷絲連，點知後來喺停車場見到佢同我室友錫錫，真係好難受，但因為我哋已經分咗手，我連嘈嘅資格都無。」

撰文︰倪小珊

編輯︰李潔盈

美術︰梁政敏