許家傑隔籬廠趕拍《拳王》 林淑敏興奮：好多肌肉睇

《愛•回家之開心速遞》情侶檔林淑敏及許家傑，昨日出席劇集宣傳活動，昨日正是冬至，林淑敏笑言前一晚已和家人「視像做冬」：「就算喺屋企食飯，都盡量減少聚集，我同老公留喺屋企食飯，同其他屋企人一齊視像遙距開飯，都幾好玩。」

許家傑正拍攝《愛•回家》及新劇《拳王》，經常游走兩邊錄影廠趕戲：「我以為已經拍完擂台戲，但原來過幾日仲要除衫，所以要繼續操肌。」林淑敏笑說：「隔籬廠嘅男同事好多肌肉睇呀，好多女仔都跑過去睇，我都有！」至於下月舉行的台慶頒獎禮，他們異口同聲表示視帝一票會投給劉丹：「丹爺感染力好強，係我哋嘅精神領袖。」

攝影：林良明