《東華》合照又唔戴齊口罩 黎諾懿敏之「膽博膽」試食

鑑於疫情仍然嚴峻，上月舉行的《萬千星輝賀台慶》中，全台藝人除罩大合照，被批防疫意識低。前晚輪到《歡樂滿東華》直播，參與藝員開場時再次無戴口罩上台，前排司儀亦只是戴上透明口罩出鏡，防病毒功效近乎零。

大型籌款節目《歡樂滿東華2020》昨日凌晨二時半圓滿結束，今年籌得善款達112,888,888元，惟未能打破往年的123,888,888元紀錄。汪明荃及羅家英演出的粵劇折子戲《宮主刁蠻駙馬驕》成為全晚最高籌款項目，共籌得3,210,500元。至於今年復辦的《卡拉之星》環節反應不俗，由薛家燕化身Captain Nancy打頭陣，率領眾人大跳十字步，再由祝文君、黃建東、王俊棠及魯振順等大唱懷舊金曲，相當熱鬧。

黎諾懿、陳敏之在煮食環節負責試食，嘉賓分為四組，大煮意頭菜。兩人大讚家燕姐、胡楓（修哥）及黃智賢等廚藝好，諾懿稱：「原來修哥係首度（公開）下廚，希望我嘅節目請到佢做嘉賓。」問到會否擔心除罩試食？諾懿及敏之坦言：「做幕前難免要除口罩出鏡，除咗口罩就盡量唔講嘢，小心啲。」諾懿又指最近經常與敏之一齊主持節目，要擔心一早已擔心了，敏之則表示︰「我已經買咗快速測試檢驗。」

Hana凍到頭痛

此外，菊梓喬（Hana）穿上單薄衣衫，坐上幾層樓高的透明膠板上，等足20分鐘才獻唱。她說：「有啲頭痛，下次要打底保暖。」提到出場時眾人要除口罩，Hana笑言連呼吸都不敢：「盡量唔講嘢，但大家在咪後講嘅嘢好好笑，令我好難忍笑。」她又大讚現場設有智能消毒機械人，當晚在前、後台不停巡邏消毒，不過她完騷後都會私下做檢測，以策安全。

撰文︰Pauline

編輯：陳禮恒

美術：梁政敏