石修一向保養得十分好，單看外表完全看不出已73歲。早前他生日，在IG分享了一張九宮格照片，將自己由童星、中年到現在的相片拼湊在一起，被網民大讚是凍齡男神「唔識老」他留言：「今個生日在家和最愛的家人慶祝，並祝福大家幸福快樂，身體健康！」
唔同時期嘅石修有唔同嘅「型」。(石修IG)
兒子陳宇琛亦在IG發布合照說：「我的搖滾明星爸爸，73歲生日快樂」新抱林佑蔚都有送上祝福，上載與老爺頭貼頭合照。她又偷影老爺閉目養神的照片，相中石修穿了一件黑色T恤，可見身形冇明顯發福走樣，頭髮亦依然濃密，keep得相當好。
石修同兒子感情好好。(陳宇琛IG)
石修同新抱臉貼臉影相。(林佑蔚IG)
新抱視角偷影老爺。(林佑蔚IG)
現實中係專一好老公、稱職好爸爸同窩心好老爺。(林佑蔚IG)
石修早前曾接受《健康旦》訪問時透露他的經歷及健康養生之道。鄭丹瑞大讚他keep得好fit，石修表示由細到大都keep住運動，「後生時精力充沛，鍾意做運動，鍾意游水、踩單車。加上細個睇好多黃飛鴻電影，又搵人教功夫，可能嗰段時間就有運動基礎。到我大啲入行做戲，尤其係80年代，香港電影業蓬勃，電視台亦開始興起武俠片，我拍嘅有百分之七十係古裝武俠片 ; 而剩番百分之三十係拍時裝劇，但都係動作片。拍劇個十年差唔多日日都係郁緊、做緊運動。」到而家身形也無大變化，「嗰時150磅，而家約155磅，差5磅左右。」
早前接受鄭丹瑞訪問，分享經歷。(石修IG)
當年人人都不用替身拍武俠片、動作片，「我啱啱出嚟做嘢嗰陣，同其他人一樣，想親身上陣表現自己，好搏，想畀公司知道自己能力。年青時體力透支得太緊要，表面好似好有energy，其實不自覺捱壞身體。」拍劇多年，大傷細傷一定有，「有次試過2樓跳落去，成隻腳腫咗！骨科醫生要喺腳眼打針消腫，咁我紥住隻腳繼續拍。當時情況係絕對要休息，但我冇咁做，後遺症呢？係隻腳一年發唔到力！」
身形沒有明顯發福。(東星娛樂)
keep得好就是贏家。(東星娛樂)
石修在年輕時曾遇上怪病，「食乜嘢都冇消化冇吸收，體重在一個月跌40磅，乜嘢醫生都睇過。有一次同阿秋 (鄭少秋) 傾偈，佢叫我唔好睇醫生，去做運動，佢仲陪我打太極，打足兩星期 。太極好神奇，我學嘅時候關節覺得有啲暖，食慾又返嚟，學咗三個月，身體日漸康復，開始有番啲自信。」當時太極師傅教怎樣他呼吸，「太極最重要扭身，令你五臟六腑都係運動緊，令你血氣旺盛番，我到而家都仲做緊太極。」
石修指鄭少秋係佢嘅大恩人。(東星娛樂)
要keep fit除了運動外，當然少不免要需要健康的飲食習慣，「細個嘅時候屋企環境唔好，食得少，到出嚟做嘢，人哋話唔可以食宵夜，我諗法係食多啲先可以補充體力。到個胃有事之後，分析原因，先知唔可以食咁飽，仲要少油少鹽少糖，不過宵夜都避唔到，因為而家開工有時都要開夜。」
就算73歲都一樣咁fit。(東星娛樂)
【有愛家庭】72歲石修英氣完勝41歲仔陳宇琛 開通爸爸唔「催生」視新抱如己出 【下一頁】