工人姐姐新搞作 軒仔𡁻粟米激到開聲

張敬軒新聘請的工人姐姐「廚藝了得」，他每日都上載姐姐為他精心炮製的「豐富早餐」到社交網站分享，繼早前他戲言的「粥勁稀」、「百潔布pancake」、「羅湖直通包」後，昨日又有新搞作。

周日起將舉行八場《張敬軒X香港中樂團盛樂》演唱會的軒仔，昨日在家收拾細軟準備往紅館綵排時，他原想吃一點新鮮又容易吃的早餐，工人姐姐答他「No Problem」，結果竟然發現工人姐姐烚了多支粟米，還擺成菊花狀給他享用。軒仔在IG用多個hashtag抒發食後感︰「#跟住我着咗 #你畀對筷子我做乜啫 #永遠你最趕時間嘅時候你就會遇上需要你更多時間嘅嘢 #食完碟嘢仲要有排撩牙我豈有佢個此理#佢陰陰嘴咁同我講GoodLuck蛇#WelcomeToThe明知你趕時間仲要你𡁻粟米大賽#激到提前開咗聲」。軒仔好友阿Sa抵死留言︰「咁咪好囉！佢諗住畀你唱歌之前做啲口部運動。」