林子博睇亡妻預錄片段崩潰

林子博與麥貝夷昨日綵排亞洲電視舉辦的《Asia Music Show》，早前子博太太董燕君病逝，子博透露日前錄影香港開電視真人騷《大叔要變身》最後一集時，看到太太生前預錄的告白片段，令他與一對仔女頓時情緒失控。

子博說：「我事前唔知，其實我同節目導演好熟，之前我哋一家去旅行，導演話一齊去，幫我哋記錄美好回憶。導演安排太太錄低對我哋嘅說話，前晚錄節目時播畀我哋睇，我哋成家一齊喊，連我個仔咁忍得都忍唔住，我都無諗過自己會失控。」亞視出身的子博，將在《Asia Music Show》中獻唱，他說：「之前我揀咗唱《忘記你我做不到》，我都怕到時唱live嗰陣，控制唔到自己。」

攝影︰林良明